Тошкент шаҳар архив иши ҳудудий бошқармаси

     Тошкент шаҳар архив иши ҳудудий бошқармаси ўз фаолиятида Ўзбекистон Республикаси Конституцияси ва қонунларига, Ўзбекистон Республикаси Олий Мажлиси палаталарининг қарорларига, Ўзбекистон Республикаси Президентининг фармонлари, қарорлари ва фармойишларига, Ўзбекистон Республикаси Вазирлар Маҳкамасининг қарорлари ва фармойишларига, “Ўзархив” агентлигининг буйруқлари ва бошқа қонун ҳужжатларига амал қилади.

     Ҳудудий бошқарма Тошкент шаҳрида архив иши ва иш юритиш соҳасида давлат сиёсатини олиб борувчи бошқарув органи ҳисобланади.

     Ҳудудий бошқарма ўз фаолиятини давлат ва хўжалик бошқаруви органлари, маҳаллий ижро этувчи ҳокимият органлари ва бошқа ташкилотлар билан ҳамкорликда амалга оширади.

     Ҳудудий бошқарма тизимига қуйидагилар киради: 

     ҳудудий бошқарма аппарати;

    Тошкент шаҳар марказий давлат архиви ва унинг филиаллари;

   Тошкент шаҳар шахсий таркиб ҳужжатлари давлат архиви;

   Ҳудудий бошқарма ўз фаолиятида Ўзбекистон Республикаси “Ўзархив” агентлигига ва шаҳар ҳокимлигига тегишлилиги бўйича бўйсунади ва уларга ҳисоб беради.

 

Тошкент шаҳар марказий давлат архиви

     Тошкент шаҳар марказий давлат архиви бевосита Тошкент шаҳар архив иши ҳудудий бошқармасига (кейинги ўринларда ҳудудий бошқарма деб аталади) ва Тошкент шаҳар  ҳокимиятига (кейинги ўринларда Ҳокимият деб аталади) бўйсунади ҳамда ҳудудий бошқарма тизимига киради.

     Тошкент шаҳар марказий давлат архиви ўз фаолиятида Ўзбекистон Республикаси Конституцияси ва қонунларига, Ўзбекистон Республикаси Олий Мажлиси палаталарининг қарорларига, Ўзбекистон Республикаси Президентининг фармонлари, қарорлари ва фармойишларига, Ўзбекистон Республикаси Вазирлар Маҳкамасининг қарорлари ва фармойишларига, Ўзбекистон Республикаси “Ўзархив” агентлиги ва Бошқарма буйруқлари, фармойишлари, кўрсатмалари шунингдек, бошқа қонун ҳужжатларига амал қилади.

     Тошкент шаҳар марказий давлат архиви қошида юридик шахс мақомига эга бўлмаган ташкилотлар архив ҳужжатларини тартибга келтириш бўйича хўжалик ҳисобидаги “Ташкилотларга шартнома асосида архив иши ва иш юритиш бўйича хизматлар кўрсатиш гуруҳи” фаолият юритади.

     Архивнинг жойлашган манзили (почта манзили):100132,Тошкент шаҳри, Учтепа тумани, Истирохат кўчаси,14-уй.

Тошкент шаҳар шахсий таркиб ҳужжатлари давлат  архиви 

     Тошкент шаҳар шахсий таркиб ҳужжатлари давлат  архиви бевосита Тошкент шаҳар архив иши ҳудудий бошқармаси (кейинги ўринларда ҳудудий бошқарма) ва Тошкент шаҳар ҳокимятига (кейинги ўринларда ҳокимият) бўйсунади ва ҳудудий бошқарма тизимига киради.

     Тошкент шаҳар шахсий таркиб ҳужжатлари давлат  архиви ўз фаолиятида Ўзбекистон Республикаси Конституцияси, Ўзбекистон Республикасининг амалдаги қонунлари, Ўзбекистон Республикаси Президенти қарор ва фармойишлари, Ўзбекистон Республикаси Олий Мажлиси ва Сенати қарорлари, Ўзбекистон Республикаси Вазирлар Маҳкамасининг қарор ва фармойишлари, Ўзбекистон Республикаси «Ўзархив» агентлигининг буйруқлари ва кўрсатмалари, тегишли маҳаллий хокимият органлари қарорлари,  Бошқармасининг буйруқлари ва кўрсатмаларига, ҳамда архив иши ва иш юритиш соҳасига доир бошқа меъёрий-ҳуқуқий ҳужжатларга амал қилади ва улар асосида фаолият олиб боради.

      Архивнинг жойлашган манзили (почта манзили): 100207, Тошкент шаҳри, Яшнобод тумани, Тузель мавзеси, 2-даҳа, 29-уй.